வடக்கு பிலிப்பைன்ஸில்(Philippines) பிக் அப் ட்ரக் மீது பயணிகள் பேருந்து மோதிய விபத்தில் ஒரே குடும்பத்தைச் சேர்ந்த 11 பேர் உயிரிழந்துள்ளதாக அந்நாட்டு ஊடகங்கள் செய்தி வெளியிட்டுள்ளன.
குறித்த விபத்தானது பிலிப்பைன்ஸ் நாட்டின் ககாயன் மாகாணத்தில் உள்ள அபுலுக் நகராட்சியில் உள்ள சந்திப்பில் நள்ளிரவு நடந்துள்ளதாக தெரிவிக்கப்படுகிறது.
இது தொடர்பாக நடந்த விசாரணையில், பயணிகள் பேருந்தில் பயணித்தவர்கள் யாரும் உயிரிழக்கவில்லை எனவும் பேருந்து சாரதி மற்றும் நடத்துனர் படுகாயம் அடைந்துள்ளதாகவும், பயணிகளில் 23 பேர் காயம் அடைந்துள்ளனர் எனவும் பொலிஸார் கூறியுள்ளனர்.
பிலிப்பைன்ஸ் நாட்டில் அதிகரிக்கும் விதிமீறல்கள் மற்றும் மோசமாக பராமரிக்கப்படும் வாகனங்களால் வீதி விபத்துகள் அடிக்கடி நடந்து வருகின்றமை குறிப்பிடத்தக்கது.
