ரஷ்ய ஏவுகணைகள் மத்திய நகரமான வின்னிட்சியாவைத் தாக்கியதில் மூன்று குழந்தைகள் உட்பட குறைந்தது 20 பேர் உயிரிழந்துள்ளதாக உக்ரைனிய அதிகாரிகள் தெரிவித்துள்ளனர்.
தலைநகர் கீவின் தென்மேற்கில் இடம்பெற்ற இந்த தாக்குதலில் மேலும் தொண்ணூறு பேர் காயமடைந்துள்ளதாக அறிவிக்கப்பட்டுள்ளது.
மூன்று ரஷ்ய ஏவுகணைகள் அலுவலகத் தொகுதியையும் குடியிருப்பு கட்டடங்களையும் சேதப்படுத்தியுள்ளன.
உக்ரைன் ஜனாதிபதி வோலோடிமிர் செலென்ஸ்கி இதை ‘பயங்கரவாதத்தின் வெளிப்படையான செயல்’ என்று குற்றம் சுமத்தியுள்ளார்.
சுமார் 370,000 மக்கள் தொகை கொண்ட வின்னிட்சியாவின் மையத்தில் உள்ள குடியிருப்பு கட்டடங்களே இவ்வாறு தாக்கப்பட்டன.
கருங்கடலில் உள்ள ரஷ்யாவின் நீர்மூழ்கிக் கப்பலில் இருந்த கலிபர் கப்பல் ஏவுகணைகள் மூலம் இந்த தாக்குதல் நடத்தப்பட்டதாகவும் உக்ரைன் ஜனாதிபதி அலுவலகம் தெரிவித்துள்ளது.
