காணாமல் போன பிள்ளைகளுக்கு முடிவின்றி எமக்கு தீபாவளி இல்லை. என காணாமல் ஆக்கப்பட்டோரின் உறவினர்கள் இன்று தெரிவித்தனர்.
வவுனியாவில் பிரதான தபாலகத்திற்கு அருகாமையில் போராட்டத்தில் ஈடுபட்டுவரும் வடக்கு, கிழக்கில் வலிந்து காணாமல் ஆக்கப்பட்டோரின் உறவினர்கள் தீபாவளி திருநாளான இன்று தமது பிள்ளைகளும், உறவுகளும் காணாமல் ஆக்கப்பட்ட நிலையில் அவர்களுக்கான நீதி கோரி கவனயீர்ப்பு போராட்டத்தில் ஈடுபட்டனர்.
இதன்போது கருத்து தெரிவிக்கையில்,
நமது சைவ மதத்தில், இது கிருஷ்ணர் மற்றும் தேவி சத்யபாமாவின் அரக்கன் நரகாசுரனை வென்றதாக கொண்டாடப்படுகிறது.
ஆனால் உண்மையில் கடந்த காலத்தில் தமிழர்களை கொன்ற அரக்கர்கள் இறந்த இந்த நாளை நாம் கொண்டாடுகிறோம். அவர்களில் சிலரை நாம் பட்டியலிடலாம், ஆனால் நமக்கு சுதந்திரம் கிடைத்ததும், நாம் அனைவரும் இந்த தீயவர்கள் பட்டியலை உருவாக்குவோம் .
வருங்காலத்தில், தமிழர்களைக் கொன்ற அரக்கர்களை, குறிப்பாக 2009ஆம் ஆண்டு அரக்கர்களையும் , நமது சுதந்திரப் போரை முறியடிக்க உதவிய தமிழ்ப் அரக்கர்களையும் நினைவுகூரும் இந்நாளை தமிழர்களாகிய நாம் கொண்டாடுவோம்.
இந்த நாள் , பேய்களை வென்றதைக் கொண்டாடும் நாள், தமிழர்களுக்கு என்ன வேண்டும் என்பதை தீர்மானிக்கும் ஐ.நா-வின் கண்காணிப்பில் பொது வாக்கெடுப்பு நடத்துவதன் மூலம் மட்டுமே இந்த நாளை நாம் எதிர் காலத்தில் சுதந்திரமாகவும் மகிழ்ச்சியாகவும் கொண்டாட முடியும்.
தமிழ் தேசியக் கூட்டமைப்பு பாராளுமன்ற உறுப்பினர்கள் கடந்த 13 வருடங்களாக எமது தமிழ் தேசியத்தை கொன்று குவித்த பேய்கள். அவர்கள் ஒருபோதும் அரசியல் தீர்வைக் கேட்கவில்லை, சிங்களவர்கள் தீர்வை வழங்குவார்கள் என்று காத்திருப்பதாக அவர்கள் கூறினார்கள்.
தமிழ்த் தேசியக் கூட்டமைப்பு எங்களை முட்டாளாக்கி, ஒவ்வொரு முறையும் அடுத்த தீபாவளிக்கு தீர்வைப் பெற்றுத் தருவோம் என்று கூறியது.
தமிழர் தாயகத்தில் விகாரைகளை கட்டுவதற்கு தமிழ்த் தேசியக் கூட்டமைப்பு, சிங்களவர்களுக்கு உதவியது.
பௌத்தத்தை தேசிய மதமாக அங்கீகரிக்க ஒப்புக்கொண்டனர். தமிழர்களின் புராதன நிலமான நெடுங்கேணியை 4000 சிங்களக் குடும்பங்களுக்கு அவர்கள் ஒப்படைத்தனர். இந்தப் பழி செல்வம் மற்றும் சுமந்திரன் மீதுதான்.
நெடுங்கேணியில் சிங்களக் குடியேற்றத்தின் விளைவே குருந்தூர் மலை பிரச்சனைக்கு காரணம்.
நல்லாட்சிக் காலத்தில் தமிழ்த் தேசியக் கூட்டமைப்பு தமிழர் தாயகத்தில் 1000 பௌத்த விகாரைகளைக் கட்டுவதற்கு பட்ஜெட்டில் வாக்களித்தது.
தமிழர்களின் பிரதிநிதிகள் என்ற முறையில் அவர்கள் செய்த சேதங்கள் பலவற்றை நாம் அவற்றை பட்டியலிடலாம்.
சம்பந்தன் தலைமையில் தமிழர்கள் சர்வதேசத்தில் பலவீன படுத்தப்படடனர், சர்வதேச விசாரணையை அடியோடு அழித்தவர், அமெரிக்காவையும் சர்வதேச மத்தியஸ்தத்தையும் அழித்தவர், தமிழர்கள் சிதைக்கப்பட்டனர், அடிமைகளாக மாறினர், தமிழ் இளைஞர்கள் போதைப்பொருளால் அழிக்கப்படுகிறார்கள், தமிழ்ப் பெண்கள் இன்னமும் பாலியல் துன்புறுத்தலுக்கு ஆளாகிறார்கள், எங்கள் நிலங்கள் சிங்களர்களால் கைப்பற்றப்பட்டன, சைவ கோவில்கள் அளிக்கப்பட்டு பௌத்த விகாரைகள் அமைக்கப்பட்டன.
எமது விடுதலைப் போராட்டத்தை அழிக்க இலங்கைக்கும், இந்தியாவுக்கும் இரகசியமாக சம்பந்தன் உதவினார். வயது முதிர்ந்த இயலாத நிலையில் இருந்த போதும், சில இளையவருக்கு எம்.பி பதவியை வழங்க சம்பந்தன் விரும்பவில்லை. இந்த மனிதன் நம்மிடையே ஒரு அரக்கன்.
இவர் தமிழ் தேசிய கூட்டமைப்பினருடன் அரசியலை விட்டு வெளியேறினால் நாம் எதிர் காலத்தில் தீபாவளியை அனைவரும் கொண்டாடுவோம்.
சம்பந்தனும் தமிழ் தேசியக் கூட்டமைப்பு எம்.பி.க்களும் தமிழர்களின் அரக்கர்கள்.
புதிய தலைமுறை தமிழ் தேசப்பற்றுள்ள அரசியல்வாதிகளால், இவ் அரக்கர்களை அரசியலில் இருந்து வெளியேற்றப்பட்டால் நாம் சந்தோசமாக தீபாவளியை கொண்டாடுவோம் .
புதிய தலைமுறை தமிழ் அரசியல்வாதிகள், போஸ்னியா , கொசோவா, கிழக்கு திமோர் மற்றும் சூடான் போன்ற பிற நாடுகளில் இருந்து சுதந்திரத்தைப் பெறுவதற்கான கடின அவர்களின் உழைப்பை கற்று, இதே உத்தியை பயன்படுத்தி எமது சுதந்திரத்தை அடைய வேண்டும்.
அரசியலில் இந்தத் தமிழ்ப் பேய்களும் அரக்கர்களும் இல்லாமல் இன்னொரு இனிய தீபாவளியைக் கொண்டாடுவோமாக என தெரிவித்தார்.
